بلقاس تاريخ وكانت سبب في بناء الدقهليه

بقلم : على شومان

غضب عدد من أهالي مركز ومدينة بلقاس التابعة لمحافظة الدقهليه من تعامل أهالي المنصورة معهم بعد تصريحات وزيرة الصحة كما غضبوا عندما رفضت شركات المواد الغذائية من النزول لبلقاس خوفا من انتشار المرض كما ذكر.

وللعلم أن المرض ليس منتشرا في بلقاس فما ذكرته وزيره الصحة إجراء احترازي يكفل طمأنة المواطنين واي مكان في مصر معرض للإصابة به وأكثر من بلقاس وخرج أهالي بلقاس يتنافسون في التوعية والإرشاد وتطهير الأسواق والجوامع والشوارع إيمانا منا بالوقوف جوار دولتنا

من هنا قررت أن أذكر من هي بلقاس فقال إن بلقاس يا بتوع المنصورة؟

لازم تعرف انت بتتكلم عن مين ؟

١- بلقاس أكبر مركز على مستوى الجمهورية تعداد ومساحة

٢- بلقاس أكبر دخل من المحاجر والمواقف والكارت بيدخل المحافظة وده اللي طلبناه قبل كده أن يكون عندنا نائب يطلب من وزير التنمية المحلية والمالية أن ميزانية بلقاس تبقى لنا مش تتصرف علشان تنضف المنصورة

٣- بلقاس أقرب لكل المحافظات من المنصورة يعني احنا أقرب لدمياط وبورسعيد وكفر الشيخ واسكندرية ،

٤- بلقاس اول عصيان مدني في ٢٠١٣.

٥- بلقاس أعرق عائلات في الدقهلية

٦- مشاريع التنمية في المنصورة قامت بفضل أموال وعقول وايادي البلاقسة

٧- مستشفيات المنصورة مليئة بأفضل أطباء من بلقاس

٨- بلقاس صاحبة الوعي السياسي

٩- إذا كان هناك قلة قليلة بجهل فضحتنا فباذن الله إرادة البلاقسة هتنتصر على المرض

١٠- كل نائب حالي أو سابق معشم نفسه في مقعد تاني انسى يكفي اننا وقت الأزمات لا نراكم ولم تحركوا ساكن (كتر خيركم )

ابعدوا عن بلقاس محدش قابلكم
بلقاس أقوى من الأزمة بلقاس تاريخ وفي قلوبنا جميعا

وأخيرا بلقاس بلد الغاز والبترول والأماكن المقدسة (دير القديسة دميانة ) بلقاس في قلوبنا